疑走失年老芝娃娃 原主人表示無意接回
日前（25 日）早上 6:30 喺新蒲崗錦榮街被「肥仔銘茶餐廳」伙記發現呢隻年老嘅芝娃娃。有茶餐廳熟客話再較早前，呢隻芝娃娃已經喺彩虹道徘徊。好彩附近有幾個街坊義工即刻接咗佢入室內安頓好。
及後義工打咗幾次去漁護署都話主人冇意願去接返佢，第二日義工帶咗狗狗去漁護署安排暫托登記， 原來狗狗已經 11 歲，叫 BB（男仔）。義工再問多次主人會唔會接返 BB，佢都係冇意願接返。「當日帶咗 BB 去毛守護醫護診所，驗到佢有皮膚病，但唔嚴重，驗血報告都還 ok ，希望可以安排到暫托人！」
如果有意做 BB 嘅暫托人，可以將聯絡資料 pm 城城小編，小編會資料轉交義工，感謝！盡快聯絡我哋
資料來源：fb @Sieglinde Tong
其他資訊
