阿拉斯加犬逃過安樂死重獲新生變返靚狗狗

呢隻叫「懵懵」嘅阿拉斯加犬，三年前差啲被主人判刑安樂死，因為佢不良於行需要接受手術，而且身上有烏蠅蟲及發高燒，當時嘅主人並冇能力支付醫療費，帶咗佢去診所簽文件決定處決佢。當時診所立即聯救絡動保組織「守護浪浪福利協會」，希望「守護浪浪」可以救救佢。

當時嘅「懵懵」只有 10 個月大，最後「守護浪浪」接收咗「懵懵」呢個個案並安排「懵懵」接受手術。而家嘅「懵懵」行得走得，仲可以去游水。「『懵懵』逃出安樂死鬼門關，戰勝先天腿疾，成功站立行走。好彩我哋及時救援挽回一條生命。而家嘅『懵懵』已經脫胎換骨，除咗過住幸福嘅生活，仲靚仔咗好多。在此，非常感激領養咗『懵懵』嘅陳先生。陳先生唔介意『懵懵』有先天性腳患，仍然選擇領養佢，令『懵懵』得到最美麗嘅結局，有家有愛！」