【急尋暫托】 主人已搬走 貓貓獨留天台日曬雨淋 好心人每隔幾日上天台餵飼 並向義工求助
日前，動保組織「小玉谷 粉嶺某村浪貓療養院+托兒所」接到一個求助－ 一隻生活喺天台嘅貓，每日日曬雨淋，幾日先有人上去餵佢一次，仲要畀人投訴話佢好多蚤要搵人去捉走佢...據悉，貓貓原本係有主人嘅，不過後來主人搬走咗，就放咗佢上天台。有住附近嘅人見到佢咁慘一隻喺天台，就隔幾日上去餵佢。
「小玉谷」出 PO 希望幫到貓貓盡快搵到暫托，等佢唔駛留喺天台度：「流浪冇得揀，已經冇瓦遮頭又食唔飽， 諗住搵個天台匿下都仲要畀人投訴趕走。呢隻貓貓其實好乖親人，但係就生錯咗係一個冇愛心嘅地方。請問有冇好心人可以帶佢返屋企暫托住先，希望之後會搵到個家俾佢？」
如有意暫托或領養，請直接 pm 「小玉谷 粉嶺某村浪貓療養院+托兒所」，感謝！
授權轉載：小玉谷 粉嶺某村浪貓療養院+托兒所
其他資訊
