月前被前主人棄養上山的「灰狼」 有屋企了！
兩個月前，城城小編報導過一隻被前主人棄養揼咗上山等佢自生自滅嘅 8 歲秋田犬（名「灰狼」），幸得多位行山人士餵水餵食先能夠得以保命。及後有向動保機構「浪浪之家」跟進事件，並積極為「灰狼」出領養。
皇天不負有心人，「浪浪之家」表示：「『灰狼』一公開領養，就得到好多大愛家庭支持入紙申請。經過一輪約見、夾狗、家訪後，我哋最終決定將『灰狼』托付俾一個有照顧大型犬經驗，充滿愛心與活力嘅家庭！」
衷心感謝領養家庭大愛！ 祝「灰狼」及領養一家庭生活愉快！
授權轉載：浪浪之家
其他資訊
