【22個月的思念】 群組力量 助狗狗骨灰重返主人身邊 「再次印證 fb 大神嘅威力！人間有愛！」

月前，一位 「香港失物報失及認領群組」嘅樓主 Chrissie 出 PO：「有冇人唔見咗條 Pandora 手鏈？應該有一粒係狗狗骨灰整嘅吊飾，仲有隻狗仔嘅相。屋企老人家喺鴨寮街地攤買返嚟先發現原來係有狗仔嘅嘢喺上面，唔好意思佢冇留意到 如可以 pm 我你狗仔嘅相作認領。」

唔少好心嘅愛狗人士喺失物群組睇到 Chrissie 個 PO 之後都嘗試喺唔同狗狗 group 幫手 share，希望能夠幫狗狗骨灰手鏈搵番主人！點知失物原主 Grace 竟無意間喺「貴婦狗群組」見到個 PO，條鏈終於能夠物歸原主！據悉 Grace 原來已經唔見咗條鏈成 22 個月了，最後能夠失而復，佢非常高興！

Grace 拎返條鏈之後連忙留言多謝 Chrissie 及各幫忙 share 帖文嘅狗友：「我好耐之前放狗唔見咗條鏈，搵咗好耐，傷心咗好耐，因爲個粉骨灰整唔返了... 頭先接咗佢返嚟，即時洗埋白白。細佬玩咗年幾終於返嚟喇！影番個合照就放番落首飾箱先～再次感謝 Chrissie 及 poodle 群組 Doris 成就今次嘅奇跡！祝所有成員都早日搵得番失物！再一次印證 fb 大神嘅威力！人間有愛呀！」

授權轉載：fb @ Grace Lau