主人意外後無法照顧狗狗 領養群組有人接手 幾日後驚聞狗狗疑被棄大圍街上

哥基囡囡「基基」（ 約 3.5-4 歲）因為脾氣問題，已經兩度轉手。之前由第三位主人陳小姐接手照顧。無奈陳小姐喺月前於領養群組出 PO，表示自己因為上年年尾發生咗意外而無法工作，需不停去覆診，冇能力再照顧「基基」，所以想搵有心人領養佢：「已經搵過多間領養中心，但因為佢脾氣太差，所以都一直冇回音... 佢係一隻會咬人嘅狗，包括護食、擦手擦 patpat、摸到佢唔鍾意嘅位等都有可能會有攻擊行為，但佢同時亦係一隻親人嘅哥基，非常嗲！曾經接受過訓練，訓練期間表現有好少少，奈何我經濟能力有限，冇辦法持續，已經問過各大機構都唔收佢，甚至有機構叫我放去漁農署，誠心希望有訓狗經驗人士能夠接手，謝謝！」

當時，陳小姐喺萬念俱灰之際，突然收到群組中一位男士嘅訊息，該男士話佢曾經都養過哥基，後來去咗彩虹橋，並指屋企目前有幾隻小狗，屋企人有訓狗經驗，就以上種種因素，陳小姐決定將「基基」交俾佢。點知幾日後，陳小姐無意間喺失狗群組再一次見到「基基」嘅下落 －「基基」竟出現喺大圍街道上，！

「當我聯絡出 PO 樓主時，佢哋表示『基基』已被義工接走，但佢哋亦唔知係邊位義工接走咗，我就咁失去咗『基基』嘅下落... 我喺漁農署開咗 case，SPCA 亦一早有佢嘅紀錄，但就係一直冇消息...」

「基基」特徵：全身啡白，無黑；無尾；鼻旁帶粉紅色；離開時帶有綠色狗帶

如有見過「基基」，或認識收留咗「基基」嘅人可以 pm 城城小編，小編會將聯絡資料轉交陳小姐，感謝！

授權轉載：fb @ Clover Clover