情侶分手 一方無法承擔兩狗生活費用 急尋暫托領養

昨日，城城小編收到網民 Lulu 報料，佢一位居住荃灣嘅朋友，隔離住咗一對養咗兩隻狗嘅情侶。日前，呢對情侶分手，一方需負擔起兩隻狗狗嘅費用但負擔唔起，所以要搵人緊急接收兩狗，否則話會送去漁護署。

Lulu 從佢朋友口中得悉事件之後好想幫到兩隻狗，所以佢嘗試喺唔同嘅領養群組出 PO，希望有好心人能夠至少暫托狗狗。佢亦嘗試幫忙聯絡動保機構，可惜及至現時都未收到任何一個機構嘅回覆...  Lulu 希望盡最後努力，希望可以藉「毛城城」平台搵到有心人幫忙收留兩狗。

兩狗資料：

Oreo（黑白色；8 歲；男仔；親人；已絕育）

Mario（啡色；8 歲；男仔；慢熱；比較驚青；已絕育）

有意了解／暫托或領養狗狗，請 pm 聯絡子料畀城城小編，小編會將資料轉交畀 Lulu，感謝！

授權轉載：fb @ Lulu Tang