好心人街上救起眼球發炎貓B 昨日眼仔突然爆了 求集氣

日前，動保組織「阿虎愛屁」義工見到有好心人在網上求助 - 指朋友在街上救起了一隻貓 B 但冇能力照顧，所以義工聯絡好心人安排接收，接到之後就即刻飛車去診所見醫生並為貓 B 取名「光豬 BB」。

「光豬 BB」大約四週大（男仔，體重 0.39 kg）。「醫生檢查過眼球情況，眼壓 45 以上，有青光眼、白內障、葡萄膜發炎，基本上成個眼球及晶體都發炎已經失去視力功能，但因為『光豬 BB』太輕暫時唔能夠做手術，現在只能夠滴眼藥水，希望有機會消腫否則大個啲就可能要做手術摘除。」

同時醫生發現「光豬 BB」手仔兩邊有疤痕，醫生認為係曾經受傷，或者表皮破開過而造成，義工痛心：「光豬 BB」只有一個月大，到底呢一個月佢係點俾人對待搞成咁？見到咁細個小朋友已經承受咁多痛苦真係好難令人接受！成件事真係好黐線！我哋而家希望『光豬 BB』眼仔可以自然萎縮，唔使佢捱一刀。」

昨日（13 日）狀況更新：義工餵「光豬 BB」食嘢時，眼仔突然爆了，膿同血不停湧出，義工已即時同醫生聯絡，按照醫生指示做好消毒程序。「因為現時已經有傷口，所以眼藥水需要換另一種，我哋亦會密密滴，希望消到炎唔會谷到咁脹咁痛！」 

希望大家可以幫「光豬 BB」打打氣！有意支援「光豬 BB」醫療費用，請直接 PM  「阿虎愛屁」，感謝！希望「光豬 BB」穩住情況，大步檻過！

授權轉載： 阿虎愛屁