被棄置在河床狗母子 仔仔有家了 媽媽卻無人問津...

數個月前，獨立義工收到善心人來電求助－有一對狗母子被年老主人棄置在河床差不多 6－7 天，善心人不忍，希望義工可以救助兩母子。據悉，狗媽「旺旺」在這 8 年不斷生育，今次生了 3 隻 B，1 隻狗 B 年老主人自己留來看門口，另一隻已送人，而義工决定接收「旺媽」及餘下的仔仔（改名 Lucky）。

日前，城城小編收到義工好消息：「Lucky 有家了！有主人錫！現在 Lucky 改名 Yoru！」

不過，Lucky 嘅媽「旺媽」就冇咁幸運了... 「旺媽」一直無人問津😮‍💨，暫托人亦只能托「旺媽」托多一至兩個月。義工好希望幫「旺媽」再次搵到有心人暫托，甚至領養佢！「『旺媽』超乖！不吵不鬧，每日都定定咁瞓覺，唔會攪事。只係佢有少少怕貓，同對其他狗狗會比較慢熱，希望可以遇到有緣人，可以比一個家佢終老，唔駛入返狗場！」

「旺媽」資料：

8 歲半

對狗會比較慢熱；乖巧

不搶繩

需出外大小便

不適宜有貓家庭

不添麻煩，適宜不太好動的主人

有意了解「旺媽」更多，請將聯絡資料 PM 畀城城小編，小編會將資料轉交義工，感謝！

授權轉載： JJ Walk Dog