好心樓主拾獲狗毛飾物 擔心飾物具紀念價值代為保管 再出 PO 尋物主

日前，一位 「香港失物報失及認領群組」嘅樓主 Jchan 執到一個裝有狗毛毛嘅小飾物出 PO：「粉嶺高爾夫球場拾獲，擔心好有紀念價值而 keep 起咗，認領請 PM。」

唔少好心嘅愛狗人士喺失物群組睇到 Jchan 個 PO 之後都嘗試喺唔同狗狗 group 幫手 share，希望能夠幫狗毛毛飾物搵番主人，亦留言大讚樓主非常有愛：「感謝你嘅細心，可能係已故狗狗毛毛紀念品，真係超級重要，希望狗主快啲聯絡你」、「應該係好有紀念價值嘅，你幫佢 keep 起先真係唔該晒」、「一定好重要好珍貴，好人有好報」、「好 sweet ！好人一世平安！」、「樓主好有心亦明白事理（應該好多人都唔會理）」、「感謝你所有愛心狗主都會明白」。

資料來源：香港失物報失及認領群組