買寵物月餅 幫浪浪狗場籌款買風扇

中秋節快到喇！本地便利店「瓹窿瓹罅 Guru Guru」正努力為狗場「狗狗農莊」籌款，希望可以買足夠嘅風扇，改善狗場環境，讓狗狗同貓貓喺炎熱天氣下都過得更舒服。

「瓹窿瓹罅」嘅負責人表示，寵物月餅開賣咗幾日，反應唔錯，「而家仲差大約 70 件寵物月餅就可以達標啦！買寵物月餅唔單止可以俾你家中嘅毛孩享用，如果你冇養寵物，都可以直接購買嚟捐俾狗場，我哋會幫你送過去俾浪浪！每一件月餅嘅收入都唔扣除成本，全數用嚟籌款買風扇！往年我哋只係捐頭 100 件月餅嘅收入俾狗場，今年真係豁出去，係全數捐出，只為達成目標 － 買足夠嘅風扇俾狗場嘅毛孩！」

希望大家可以一齊支持呢個有意義嘅活動，幫助改善浪浪嘅生活環境。仲差少少就夠數喇！快啲分享畀朋友，齊齊支持呢個咁有意義嘅」買月餅籌風扇」活動！每人出一分力，就能為浪浪喺酷熱天氣下送上一絲涼意，等佢哋可以喺狗場內更舒服咁休息～

寵物月餅詳細資料及購買連結： https://shorturl.at/pROZ9

資料來源：瓹窿瓹罅 Guru Guru