秋風起 同毛孩踩靚靚日系復古單車 悠閒慢遊西九啦！

秋天涼風送爽，正係適合同毛孩戶外活動嘅時候！而家西九推出咗全新嘅單車租借服務，無論係你自己定係同毛孩去西九，都可以享受到秋日限定嘅「單車之旅」！

tokyobike 日系復古單車登陸西九！

西九依家引入咗日本人氣單車品牌 tokyobike，仲特別設計咗寵物專用單車，俾你同你隻毛孩一齊踩住單車，沿住西九海濱長廊探索自然美景！無論你嘅毛孩係細細粒粒，定係大大隻隻，佢哋都有專屬嘅單車選擇，包括輕便尾籃型同加強型三輪車，照顧不同體型毛孩嘅需要，非常貼心！

天氣開始涼涼地，週末帶埋毛孩一齊用單車代步，悠閒地慢遊西九，享受秋日嘅清新氣息！

營業時間：周一至周五下午 1 時至晚上 8 時；  周六、日及公眾假期：上午 11 時至晚上 8 時 

地點：西九 tokyobike 單車租借站（近西閘） 

費用：HK$65 / 小時

資料來源：ig @ westk.hk （出鏡貓咪：ig @ devon_rex_plum_flatwhite）

授權轉載（狗狗「豆姐」相片）：ig @ eleanorau