秋季「飛天貓」意外多 再三提醒貓主：裝咗窗網先好開窗 免釀意外
各位貓奴注意！最近天氣開始涼，大家可能都會想開窗享受下涼風，但千祈唔好忘記裝窗網！每年呢個季節，就會有好多「飛天貓」嘅意外發生，真係好心痛！
唔好抱住「我隻貓好乖唔會跳」嘅心態，因為貓咪有時見到窗外面嘅雀仔、樹葉郁，或者聽到聲音，都會忍唔住好奇心，就咁跳出去。就算平時幾乖都好，危險真係一秒發生。
溫馨提示：再三提醒貓奴！為咗你家毛孩嘅安全，開窗之前一定要先裝好窗網！如果未裝好，就真係千祈唔好開窗啦！
希望大家都可以同毛孩一齊享受微涼嘅秋天！
資料來源：毛孩關愛組
其他資訊
