餵飼流浪貓 忌直接用罐頭餵 以免罐邊刮傷貓咪
近日，天氣開始轉涼，唔少善心人趁天氣涼涼地，就落街餵飼流浪貓。 咁做當然係好，不過，義工朋友想呼籲一下喺餵貓人士：餵貓時，唔好直接將罐頭開咗放低畀貓貓食，咁樣係好危險㗎！因為唔少罐頭嘅邊緣到好鋒利，貓貓食嘅時候好容易刮傷面部、咀甚至舌頭，傷口好可能會令佢哋感染到細菌，以致有生命危險！
義工建議大家去餵貓，記得帶小紙碗或者膠碗，如果冇碗都唔緊要，可以用樹葉或者紙張墊住，總之千祈唔好直接用罐頭餵呀！咁樣就可以避免貓貓受傷，佢哋又可以安心食飽飽！
資料來源：西環貓奴
其他資訊
