【暑假限定】 西沙GO PARK化身萌寵樂園 帶毛孩去由早玩到晚啦！

暑假仲有成半個月，等城城小編介紹個好地方畀家長們同毛孩由早玩到晚啦！ 西沙 GO PARK 由即日起至 8 月 31 日舉辦「萌寵動感夏運會」，絕對係你同毛孩不容錯過嘅活動呀！「萌寵動感夏運會」上，你可以帶住毛孩一齊參加「GO Paw-Athlon」萌寵三項鐵人「打卡」賽。

喺呢個超萌嘅挑戰中，毛孩們可以喺玩水區域嬉水，拍低最萌消暑照，再踏上特製衝浪板同復古單車，成為入型入格嘅「Surfer」同「型格車手」。毛孩們亦可以彩虹跑道上全速衝刺，最後企上冠軍頒獎台，成就感滿滿影返張靚相。

此外，8 月 8 日及 22 日嘅「人寵夜光派對」更加 Fun！主人同毛孩可以戴上發光頸圈，喺霓虹燈影同 DJ 音樂節拍下狂歡。現場設有專屬打卡區、果膠紋身、速畫及人寵大食會，等毛孩從日間小健兒變身夜間閃亮主角。

「人寵夜光派對」參加方法：

方法 1：活動前 14 天內於場內指定寵物商戶以電子消費滿 HK$400，便可免費換領派對入場券乙張*及於活動當天領取發光頸圈乙個及參加果膠紋身乙次。

方法 2：於The Point 會員手機程式以 4,000 積分換領入場券乙張*，並於活動當天於場內「即賺分」商戶以單一電子消費滿 HK$200 即可換領發光頸圈乙個。

方法 3：The Point 會員於活動當天於場內「即賺分」商戶以電子消費累積滿 HK$400 即可換領入場券乙張*及發光頸圈乙個。

（*以上入場券包括 1 寵物 + 1-2 位成人）

揸車「奴才」福利：為方便「奴才」們帶同主子跨區揸車前去狂歡，GO PARK 貼心推出「毛孩夜泊 GO」。凡於活動期內星期一至五（公眾假期除外）下午 6 時後入車，並於 GO PARK 指定餐飲或寵物商戶作任何即日電子消費，即可享高達 3 小時免費泊車～

快啲 Mark 定日子帶埋你嘅毛孩，一齊喺西沙由早玩到晚，享受呢個充滿活力與趣味嘅非常夏日啦！