漁護署接獲投訴 赤柱咖啡店帶走疑為格鬥犬10歲老狗 要求絕育後方歸還主人

近日，赤柱一間咖啡店因懷疑有格鬥犬進入而引發網絡風暴。本月 26 日，漁護署接獲投訴後，將狗主的愛犬「包包」扣留，並要求進行絕育。狗主強調「包包」屬史丹福鬥牛㹴，並非格鬥狗隻，亦從未有襲擊紀錄，質疑漁護署決定不合理。

此事件在社交媒體上引起熱議，大批網民對投訴者表示不滿，認為高齡犬隻手術風險高，是趕盡殺絕的行為。不少人留言聲援狗主。「包包已經 10 歲，做手術要麻醉心臟真係有機會負荷唔到」、 「好過分喎，即係只要『懷疑』，就可以捉走隻狗」， 「簡直想攞狗命交差，突然十歲要佢全身麻醉做手術，極冷血」、「行出街咩都冇做過都要拉要鎖，虐貓虐狗郤逍遙法外」、「搞錯啊？個人財產可以就咁沒收？好變態呢個社會 」、「唔應該因為社會零星的事件就矯枉過正 」。

然而，亦有不少網民支持漁護署依法辦事，認為規管特定品種是必要的。「狗主以為喺自己社區、周圍都係老街坊老朋友冇人會投訴，一直乜規定都唔理」、 「政府唔做嘢又俾市民話！政府做野又說三道四！支持政府合理執法」、 「最好立法如果捉到唔絶育要罰款就多好，絶育一定要狗主登記，如果第日隻狗被遺棄、放養揾到狗主，最好要罰款」 、 「漁護署做得對」 「全城聞格鬥狗色變，仲肆無忌憚帶入餐廳」、 「咁多事故，真係要嚴格執法」、「應該安全第一，保護公衆利益為上」 。

面對愛犬被扣留，狗主無奈接受絕育要求，並急尋診所進行手術。儘管手術風險高，但為了盡快接回愛犬，狗主只能接受。目前，「包包」仍在動物管理中心等待放行，而事件的法律調查仍在進行中。這場事件反映了法例規管與動物福利之間的矛盾，引發社會廣泛討論。