深水埗店貓被困舖內多天 缺水缺糧 街坊自發編更表輪流餵貓
日前，一位網民午餐經過深水埗福榮街一間食店，店入面有隻貓，惟店內無人，而門外貼咗一張紅紙寫：「初八啟市」。網民見店內未見有糧和水，連忙去買濕糧畀佢食。該網民表示：「真係覺得佢超肚餓，問題係無糧無水，之後幾日點算...」
及後，該網民於愛貓群組分享呢件事，旋即引來極大迴響。有深水埗街坊自發到店餵貓，他們更自行編製咗一個餵貓更表，等有心餵貓嘅街坊知道貓貓嗰日食咗野未，非常有愛。
不少愛貓網民得悉事件之後紛紛憤怒留言：「係咪可以報警告店主虐貓」、「無愛心就唔好學人養貓啦」、「黑心店主！罷食此店」、「水都無一兜，由初二捱到初八，人都捱唔住啦」、「離晒譜！好彩門口有罅啫，唔係都唔知點餵到佢」。
相片來源：fb @Duck Love Conquer All
人氣文章
主人意外後無法照顧狗狗 領養群組有人接手 幾日後驚聞狗狗疑被棄大圍街上
Jul 21, 2025
【22個月的思念】 群組力量 助狗狗骨灰重返主人身邊 「再次印證 fb 大神嘅威力！人間有愛！」
Jul 8, 2025
其他資訊
