有心人為海傍街貓製作禦寒盒 超有愛！
呢期天口涼，有熱心市民好心為油麻地海傍附近嘅街貓喺石灘上面整咗禦寒盒畀佢哋避寒，盒上寫：「請勿拿走！給貓貓避寒，謝謝！」。不過，有網民就疑惑點解嗰度有咁多貓貓 (約 7－9 隻) 無人理，佢哋會唔會經常捱餓無飽飯食，街坊指：「佢地係絕育後愛協放生原居地嘅貓，因為好怕人，唔適合領養，平時有姨姨餵開佢哋，放長糧嘅，所以大家唔駛擔心。」
街坊補充，其實平日唔少愛貓人士經過都會去餵佢哋，但想提提大家：「餵完貓記得妥善處理剩下嘅貓糧、罐罐、魚魚及食水，以免招惹昆蟲及老鼠，謝謝各愛貓嘅有心人！」
相片來源：fb @Cyan Wong
其他資訊
