英國「首席捕鼠大臣」Larry 上任滿 12 週年

今月（15 日），英國「首席捕鼠大臣」Larry the Cat 上任滿 12 年，佢喺 Twitter 發文同大家分享呢個咁特別嘅日子。

Larry 帖文中表示：「好開心過去 12 年來可以為大家服務」。佢仲好幽默咁同英國嘅民眾講：「如果以後大家被問到屋企有無養貓，即使無養，你都可以回答『有』，因為我永遠是屬於你哋大家嘅」。帖文仲附上一張 Larry 嘅側面靚仔相添！

隨後，Larry 再度發文補充：「我嘅任期已經橫跨 4 位首相在任，掌權時間比戴卓爾夫人（Margaret Thatcher）、貝理雅（Anthony Blair）、邱吉爾（Winston Churchill）和迪斯雷利（Benjamin Disraeli）仲要耐。」充份展現出佢自信嘅魅力。