馬來西亞舉行「肥貓大賽」 被網民狂轟不人道

日前，馬來西亞大型購物中心 Sutera Mall 舉辦「肥貓大賽」。比賽當日 14 隻參賽肥貓逐隻被寵主抱上磅量體重，最後由最重嘅一隻橘貓獲得冠軍。

雖然肥貓們隻隻身型圓碌碌望落去好可愛，引來唔少觀眾去購物中心觀賞比賽，但活動卻惹來唔少網民抨擊，紛紛留言狠批比賽助長寵主將貓「谷肥」，令貓過重導致嚴重的健康問題，例如：糖尿病、心臟疾病、高血壓等，非常不人道。

其實喺 1986 年，一隻來自澳洲嘅 10 歲大肥貓 Himmy 以 46 磅獲健力士世界紀錄大全認可為「全球最肥的貓」。因為佢實在太肥，需要使用獨輪車協助走動。創下「全球最肥的貓」呢項紀錄後，無幾耐就離世，所以為防止寵主爭奪呢項健力士名銜而專登令寵物超重、痴肥，健力士世界紀錄小組已經停止頒贈「最肥」動物嘅名銜。

資料來源 :  Sutera Mall