網民完全無視醉酒狗主 其衣著得體的小狗反成焦點

日前，英國交通警收到線報，話喺伍爾弗漢普頓 （Wolverhampton）火車站見到一個飲到酩酊大醉嘅狗主，佢仲拖住一隻著住藍色恤衫嘅小狗㖭！路人見狀，怕狗主有事，又怕小狗走失，所以報案。

警方到場後，見狗主飲到醉醺醺，更倒臥在地，應該無法帶小狗返屋企，所以就將小狗暫時放上警車，由警方代為照顧。小狗在車上被看管期間不時望出窗外，可能想知主人嘅狀況，同究竟主人醒返未。

英國交通警隨後將小狗喺車上望出窗外嘅有趣照片放上 BTP （British Transport Police）社交平台同大眾分享。相片一出，隨即引來十多萬網民點讚、轉載及留言。最有趣嘅係，絕大部分網民將專注力放喺小狗嘅衣上面，大讚佢衣著得體，有品味，似乎整件事當中，並無人擔心、關心同問候過飲醉咗嘅狗主。

Andy Warhol 曾經講過：「在未來，每個人都有成名的 15 分鐘！」今次事件，可能就係小狗成名嘅 15 分鐘喇！

資料來源：BBC