公園狗狗被過百隻鴿包圍 網民：「還活著的嗎？」
近日，呢張狗狗喺泰國一個公園被過百隻鴿包圍嘅相片喺網上被瘋傳。唔少網民見到相片後一度以為狗狗已離世，留言畀當地嘅動保機構，向佢哋尋求協助。
後來，根據泰媒 POSTJUNG 報導，當時其實有人拍到呢隻狗狗翻身嘅相片，為釋除網民嘅疑慮，呢位目擊到狗狗翻身嘅當時人喺當地嘅愛護動物群組出 PO，貼文寫：「狗狗仍然活著，只是在午睡而已，大家不用擔心」。
從相片中可以見到，除咗原先畀鴿圍嘅嗰隻狗之外，後方仲見到另一隻同樣瞓喺地下瞓得好舒服，完全冇被鴿群影響睡眠質素嘅狗狗。由此可見，喺呢個公園，狗狗同鴿和平共處睇嚟似乎係常態！
資料來源：POSTJUNG
其他資訊
