西貢年老牛牛昨日遠赴彩虹橋 街坊：「願你在天國的草地上快樂奔跑」

牛牛係西貢原居民，係西貢活地標；亦係西貢最獨特嘅嘅一道風景。平時牛牛由義工及懂牛性嘅村民管理同照顧。

昨日，喺西貢十四鄉牛群當中，其中一隻已超過 14 歲嘅老牛牛「337」因病離世。義工表示：「本來已消瘦嘅 337，捱過咗颱風『蘇拉』，但不敵『小犬』嘅風吹雨打而病倒 ，等唔切獸醫嚟到為佢醫治。」

最後，「337」喺幾位牛義工嘅陪伴下，喺自己最愛嘅草地上走向彩虹橋。「我哋為 337 架起雨傘同拉起遮光布，用濕毛巾覆蓋身體降溫。喺音樂、誦經聲及禱告聲隨下，接受注射離開。」