速遞員每天送餅餅給人家的狗 10 年後收到牠的道別信

美國賓夕凡尼亞州 (Pennsylvania) 一名速遞員 John Keffer，本身相當喜歡小動物。John 每日送貨時，都會為沿途遇到嘅狗狗準備零食。其中一戶人家嘅狗狗 Rosie 同 John 自 2013 年認識，至今已長達 10 年，建立咗人狗間嘅友誼。

日前，John 喺個人社交平台分享咗一段影片，畫面中有一箱牛奶骨頭狗狗餅乾，上面貼住一封信，署名係狗狗 “Rosie”、收件人係「速遞員」，內容寫，10 歲嘅 Rosie 因為癌症過世了，希望速遞員繼續將快樂帶俾送貨途中嘅毛孩們。John 收到 Rosie 呢封「道別信」後出 PO 表示：「當你失去一個多年來每日都喺送貨途中能見到嘅毛孩，嗰種打擊就好似失去咗自己嘅寵物一樣，令人心碎」，佢喺片尾寫上「我會想念你的 Rosie」，令唔少網民感動落淚。