因後腿不良於行 遭前主人棄養的狗 B 搵到新屋企喇！

今年年中，城城小編報導過一隻叫「桂花女」嘅狗 BB，佢因為後髖關節嚴重甩骹及已生成畸形，只能拖住後腿爬行而被前主人棄養。

講個好消息俾大家知，月前，「桂花女」搵到屋企喇！「桂花女」嘅新媽咪非常有愛心，知道半癱瘓而十分膽小嘅「桂花女」需要特別照顧，呢半年時間經常入去「沙律貓狗之家」，跟「沙律媽」學習照顧桂花女，又做足功課細心了解「桂花女」嘅病情。

經過大半年嘅相處及照顧，「桂花女」新媽咪同「桂花女」已經互相培養咗深厚嘅感情，「沙律媽」亦十分放心將「桂花女」交到新媽咪手上。

「沙律媽」替「桂花女」開心：「『桂花女』去到新屋企，係識得笑㗎！仲笑到超甜！希望『桂花女』同領養家庭都健康幸福！」

資料來源：沙律貓狗之家