柴灣墳場發現棄兔

日前晚上，有熱心人士於柴灣墳場發現 4 隻棄兔，立時向動保組織「兔兔基地動物救援」求助。義工表示，全部都係兔 B，最細嗰隻得 1.5 個月大，其餘 3 隻都唔過 1 歲，兩仔兩女，懷疑可能仲有兔兔係附近... 感謝救起兔兔們嘅熱心人，同今晚到場救兔嘅每一位兔友。我哋我帶走咗兩隻情況比較令人擔心嘅兔兔。」

2 隻兔兔基本資料：   

小雪；1.5 個月大；女；約 0.61kg

小冬；1 歲以下；仔；約 1.42kg，手腳指甲大部分無晒，眼及鼻明顯有紅腫發炎，擔心係兔梅毒初期徵狀

「小冬睇咗醫生，7-8 個月大男仔，兔梅毒初期，打抗生素針，眼同身上嘅傷係打交造成，身上嘅傷口都幾深，幸好癒合中，每日要洗傷口，眼皮嗰 part 應該裂咗，吊住塊皮，要餵食草粉。」

如因為任何原因要棄養，請聯絡動物組織 / 機構，請唔好棄兔兔於野外！

資料來源：兔兔基地動物救援