前 Super Girls 成員 Cheronna 宣佈：「正式暫托失敗！」 由暫托變領養
月前，一隻叫「江仔」嘅唐狗喺錦田誤闖屋村，被多名保安持棍趕走，不過後來得到善心人拯救，加上悉心嘅照顧，原本瘦猛猛嘅「江仔」先可以變返一隻健康嘅小狗。之後，前 Super Girls 成員 Cheronna 暫托咗「江仔」。
及至月前，城城小編喺 Cheronna 嘅社交平台上睇到佢公佈好消息：「今年嘅生日禮物，宇宙一早安排咗俾我了。我正式暫托失敗各位！喺簽字領養嘅一刻，真係讀結婚誓詞咁，忍唔住覺得好感動！好感恩有你嘅出現！「江仔」正式改名『江户川柯南』，都係 keep 返姓江嘅！祝『柯南』唔好成日興奮到瀨尿！祝『柯南』從此一生都會感受到無限嘅愛！ 歡迎你成為我嘅家人！我嘅愛人！」
資料來源：ig @cheronna
其他資訊
