流浪狗剛入屋超驚恐 兩年後變化超大成狗生勝利組
日本有一個家庭接收咗一隻流浪狗女「Kono」，狗狗初入屋嘅非常驚恐，主人更加形容佢嘅表情就好似面對緊「世界末日」，令主人暗自下定決定，要令到呢隻可憐嘅狗女感受到世界嘅美好，而Kono兩年後嘅變化亦都非常驚人！
當初Kono剛剛入屋嘅時候，無論表情定係肢體動作都可以睇得出佢非常之驚，入屋頭兩個月更加係驚到一直匿喺枱底唔敢出嚟。不過，主人明白Kono可能喺流浪嘅時候遇見好多唔好嘅事，所以先令佢對成個世界都咁有戒心。
唔經唔覺，Kono已經入咗屋兩年，佢嘅變化亦都令人感歎「有主人錫的狗狗像個寶」，而家嘅Kono已經係一隻成日笑嘅開心豬，仲好鍾意喺散步嘅時候同其他狗狗互動，閒時又可以成日跟主人周圍去滑雪，成為狗生勝利者😎
Kono嘅改變正正係「領養改變命運」嘅例子，希望愈嚟愈多流浪狗狗都可以搵到自己嘅屋企🐶
資料來源：Twitter@konokonohouse
其他資訊
