癌症伯伯過身 遺病患女兒及愛貓 盼有心人收養兩貓
日前,義工收到聯和墟附近村落嘅求助 - 一位患有胰臟癌嘅伯伯(陳伯)上月過身,相依為命嘅女兒 6 年前不幸患上神經性病變,與漸凍人症的症狀相似,仍未有治療方法,恐病情會繼續惡化。
患病後,陳小姐一直由老父照顧,現時陳伯過身,遺下嘅唔止正在申請院舍嘅女兒,仲有兩隻親人嘅放養家貓「喵嗚」及「條條」。
目前陳小姐行動不便,需輪椅同拐杖配合日常生活,因此佢難以打掃及照顧貓咪,病情若將來惡化更無法自理,唯有申請入住院舍,而兩貓暫時就由鄰居每日餵飼,好心嘅鄰居答應陳小姐照顧兩貓直至有領養人出現為止。陳小姐嘅心願係喺入住院舍前能夠為兩隻愛貓搵到一個永遠嘅家。
喵嗚 / 女 / 已絕育 / 6歲 / 親人
條條 / 男 / 已絕育 / 5歲 / 親人
領養細則:
- 粉嶺探望貓咪
- 需安裝窗網
- 不接受魔術貼蚊網
- 需家訪(只為確保窗網穩固,數分鐘內完成、無任何領養費、主人隨心支援醫療費用就好)
- 25 歲或以上,單身 / 公屋 / 小孩家庭均可 ; 若有大型機構願意提供暫托、醫療、領養亦歡迎。
想了解更多或有意暫托、醫療、領養請將聯絡資料 inbox 畀城城小編,小編會將資料轉交義工,感謝!
資料來源:fb @Connie KY Wong