消防員從深坑中救出 5 狗 B 隔離後開放領養

日前，動保組織「守護浪浪福利協會」（下稱「守護浪浪」）收到龍鼓灘一位餵狗姨姨同村民嘅求助。「餵狗姨姨和村民發現最近幾日唔見咗佢哋餵開嘅浪媽。佢哋更發現浪媽嘅狗 B 們喺一個深坑入面，所以唯有致電消防員，最後消防員將五隻狗 B 從深坑內救出。5 隻狗 B 被救起時全身濕透，餵狗姨姨同村民已經幫佢哋沖咗熱水涼及幫佢哋保暖，而家狗 B 正在隔離中，隔離後就可以開放領養。」

及至昨日，「守護浪浪」收到餵狗姨姨嘅消息話村民見到浪媽出現返，佢哋會嘗試睇吓能唔能夠捉到浪媽。「不過佢非常驚人，希望成功捉到佢啦！」

在此，城城小編希望幫「守護浪浪」呼籲一下，請留意「守護浪浪」嘅 Facebook 更新 5 隻狗 B 嘅最新狀況。如狗 B 健康渡過隔離期，就會開放領養。想了解 5 隻狗 B 更多，或有意領養，請留意「守護浪浪」嘅最新消息，感謝！