狗舍場主急須做手術 友人暫時幫忙照顧舍內毛孩 盼善心人捐贈物資
日前，動物收容所「大江埔玲姐狗舍」嘅場主玲姐因為癲癇症發作，突然暈倒，頭部撞落地，引致頸脊椎移位，經醫生診治後，必須做手術，否則後果嚴重。
玲姐相熟貓舍 NY 12 grooming & training 負責人決定去幫忙照顧玲姐狗舍嘅一班小毛孩，幫佢哋沖涼做清潔。「希望可以幫玲姐度過呢一個難關，亦好讓佢多啲時間休息，希望佢早日康復！」
在此，城城小編希望呼籲大家為呢一班小毛孩出一分力！如果你有時間可以去玲姐嘅狗舍（地點：錦田大江埔）幫忙；冇時間嘅可以考慮下捐贈物資俾毛孩們，令佢哋能夠度過今次難關！現時狗舍每月需要物資：蝨水、蝨帶、心絲蟲藥、沖涼液、益生菌、狗糧（指定牌子 – Vital Plus）。有意幫忙狗舍或捐贈物資，請直接致電 5227 9505 或 pm 聯絡「大江埔玲姐狗舍」，感謝！
授權轉載：NY 12 grooming & training
其他資訊
