你同咩狗狗最夾？十二星座與狗狗配對大公開（上）

唔同星座嘅人有唔同性格特點。根據星座，你知唔知道自己適合養咩類型嘅狗狗呢？ 

1. 牧羊座（21/3 – 20/4）

澳州牧羊犬

一般澳州牧羊犬品性堅定、自信、充滿活力，同牧羊座嘅人有相似之處。但要注意，如果狗狗不能充份得到主人嘅注意，或者無足夠活動及玩樂時間，可能會變得心情差，甚至抑鬱。係咪同牧羊座精力旺盛、坐唔定嘅性格好似呢？

2. 金牛座（21/4 – 20/5）

伯恩山犬

伯恩山犬性格踏實、溫柔、親切，算係相當易管教嘅狗狗，啱哂金牛座實際嘅性格。金牛座嘅朋友或比較內向，有時可能只想喺屋企，做悠閒嘅宅男、宅女，品性唔算太好動嘅伯恩山犬會係最好嘅伴侶，可以「陪著你宅」。

3. 雙子座（21/5 - 20/6）

芝娃娃

雙子座以性雙重性格見稱，而體型小巧嘅芝娃娃容易有情緒起伏，上一刻活潑好動，下一刻可以疑心重重，而且變得佔有慾強，尤其是當見到陌生人行近。同性格矛盾、反差大嘅雙子座可以話係不謀而合。

4. 巨蟹座（21/6 – 20/7）

約瑟爹利

約瑟爹利身材矮小，充滿活力，而且勇敢、忠誠，友善之外又帶點固執，容易同家中成員相處。巨蟹座嘅人性格複雜而且不容易表達自我，著重親情，同時都有固執一面，黏人、性格又點相似嘅約瑟爹利可以算係佢哋嘅最佳伴侶。

5. 獅子座（21/7 – 20/8）

西伯利亞雪撬犬

獅子座嘅朋友充滿熱情而且有股控制人嘅意慾，而雪撬犬總能帶俾人溫暖同主動親人嘅印象，同樣鍾意成為大家嘅焦點。不過要留意，雪撬犬經常需要人陪伴，如果願望不能被滿足可能會非常固執。

6. 處女座（21/8 – 20/9）

柴犬

柴犬天性熱情、大膽、獨立又十分之聰明，總有你意想不到嘅舉動，就同充滿智慧、矜持嘅處女座朋友好似。柴犬對於主人或其認可嘅人類較為忠誠，而且同處女座嘅朋友一樣，對於想做嘅事情表現堅決。

欲知其餘六個星座最夾邊隻狗狗，記得睇埋 十二星座與狗狗配對大公開（下）喇！！https://goo.gl/XmRoRw