浪貓前半生受盡風吹雨打 得好心人收養後 忽然心臟病危

呢隻浪貓叫「黑白」，佢前半生一直在流浪，受盡日曬雨淋，風吹雨打。及至七歲被好心人收養。收養人不但冇介意「黑白」係成貓，入屋時即使證實「黑白」有貓愛滋，收養人都仍然對「黑白」寵愛有加。然而，好境不常，「黑白」日前忽然心臟病入院，現時情況危殆... 動保組「西環貓奴」義工慨嘆「黑白」命苦：「『黑白』一生貓在等待被愛，終於等到了，卻可能很快又要消失...」

義工表示，「黑白」一直係一個乖孩子：「以前佢流浪時，永遠好似一個大哥哥咁看守住嗰條街嘅其他浪孩。佢總係會等到其他孩子都食飽，佢先放心去食。入屋之後，佢有時嗲到好似一個小朋友咁會撒嬌，希望媽媽抱抱。幾個月前，『黑白』嘅小主人出世，佢仲一直在旁邊默默保護小主人，好乖！」

盼望奇蹟能夠發生喺「黑白」身上！希望大家可以為「黑白」打打氣，等佢可以陪媽媽耐啲，亦能夠繼續陪伴小主人嘅成長，陪佢上幼稚園上小學。

授權轉載：西環貓奴