月前村民向三唐狗B發「死亡恐嚇」 其中一隻終有家！

月前，喺屯門某個村落被放養，只得六個月大嘅三隻小唐 B（名「小晴」、「小柔」、「小龍」）畀村民投訴，仲揚言要放毒藥毒死佢哋，幸得義工接收並獲暫托家庭暫時照顧。義工嘗試用唔同方法幫佢哋三位小朋友尋家，可惜完全無人問津...

及至日前，城城小編終於收到義工好消息：「『小柔』有家了！領養人陳小姐喜歡唐狗，一直都係養唐狗，但上年因為狗狗年紀大因病去世，傷心咗半年，終於重新出發，最後見面之後見『小柔』好乖，所以決定領養『小柔』！」

恭喜「小柔」終於終結流浪生涯，有自己嘅家！感謝領養人陳小姐大愛，支持領養唐狗！祝「小柔」及陳小姐一家幸福快樂！

「小柔」嘅同胎兄妹「小晴」同「小龍」仍在尋家路上！有意了解或領養「小晴」或同「小龍」，請直接 pm 「守護浪浪福利協會」或 whatsapp 佢哋嘅領養專線 (6166 6106)，感謝！

「小晴」（女仔）－ 性格溫馴，最鍾意反轉個肚仔任你摸，動靜皆宜。

「小龍」（男仔）－ 性格活潑可愛又友善，親人親狗親小朋友。

領養須知：

領養人必須年滿 25 歲。

室外養及看門口用途免問。

需要接受家訪，居所必須合法飼養狗隻。

授權轉載：守護浪浪福利協會 Guard For Stray Welfare Association