「天下貓貓」 被不法之徒偷貓相用以騙財

日前，「天下貓貓一樣貓」出咗個 PO，內文寫：「點解可以咁無恥！我哋本身鼓勵大家『領養代替購買』，點知俾人偷圖去呃人，好嬲呀！」

原來近日，網上有不法之徒偷取「天下貓貓一樣貓」嘅貓咪出領養相，然後企圖喺網上賣貓。網民估計，騙徒應該來自台灣，因為該聊天室一向多台灣人。當聊天室有人睇相後對貓有興趣並向佢查詢，佢就索價一隻 20 萬 （即約港幣 5 萬元），仲話會額外送多 3 隻貓。

唔少愛貓網民睇到該 PO 之後紛紛留言：「人無恥便無敵」、「之後啲圖要加水印」、「依家騙子太多，大家真係要小心啲」、「應該係叫人先落訂然後 block 人」。

上月初，城城小編都報導過另一則網上騙案 － 騙徒於「領養群組」發文，聲稱自己仲有一星期先出糧，希望有善心人可以用轉數快轉賬畀佢醫佢隻貓。有善心網友見佢只係要求要 HK$400，怕毛孩真係會有事，就轉賬咗畀佢。及後，呢位騙徒嘅騙局被踢爆。

「領養群組」網上騙案報導：www.mocity.com.hk/article/730 

城城小編在此希望再次呼籲大家，小心網上騙徒，切勿輕易過數畀素未謀面嘅網友，以免蒙受不必要嘅損失。

授權轉載：天下貓貓一樣貓