海邊浪貓尋家失敗後再出發 終遇上對的人 義工：「領養人對佢一見鍾情！」
大家還記得城城小編月前報導過一隻住係海邊嘅浪貓「夏至」嗎？佢每日都有一對住係香港嘅日本夫婦餵食。及後夫婦二人托朋友出 PO 希望睇吓有冇運氣可以喺短時間内幫「夏至」搵到一個愛佢嘅家！原本出咗 PO 一日左右已經有幾位有心人查詢「夏至」嘅領養方法，但不幸地，有心人因為自身問題，最後都唔能夠帶「夏至」返屋企。
日前（22 日），城城小編收到好消息：「『夏至』今日已返新家了！因為領養人想搵一隻成年貓陪屋企嘅原居民，佢見到『夏至』就一見鍾情。最後完成家居裝置就帶『夏至』返屋企了！」
祝福「夏至」及領養人往後生活愉快！
授權轉載：fb @ Ivy Man
其他資訊
