癌末婆婆生命在倒數 只求心愛浪貓從此不再流浪

前，動保組織「浪貓薈」義工收到求助－上水某一個偏僻嘅村落，一位年邁嘅獨居婆婆，佢視浪貓如親生骨肉，每日風雨不改餵食陪伴。求助人表示，近日醫生證實婆婆患上末期癌症，生命已進入倒數階段。婆婆身體每況愈下，連拎起貓糧走出門口嘅氣力都冇。貓貓們亦只能有一餐冇一餐地咁捱餓…「喺同婆婆交談中，得知婆婆最擔心嘅，並非自己嘅病情，而係問『我走咗之後，班浪浪點算呀？』」

八隻浪貓係婆婆嘅牽掛，無依無靠嘅佢仍然每日守喺婆婆門外，痴痴地等待熟悉嘅身影再出現…「浪貓薈」義工得悉事件後，決定入村先嘗試將貓貓們救走。幸運嘅係，其中一隻浪浪已經搵到屋企，另有一隻貓女就喺暫托家庭，等待一個願意用一輩子愛佢嘅人出現，而其餘六隻義工仍在捕捉中。

城城小編誠邀大家為婆婆出一分力，無論係將貼文轉發、分享、領養，定還是伸出援手，都可以幫婆婆完成佢臨終前最深切嘅心願，等呢班陪伴佢多年嘅貓貓們，唔駛再流浪，有家可歸，有人疼愛，等婆婆可以安心離開，不帶遺憾！

待家貓女資料：

女 / 約一歲 / 已絕育 / 親人可摸

有意領養，請填寫領養申請表，並註明「婆婆嘅貓女」https://forms.gle/6T3sTEgf61NXq5rY7

領養須知：

需家訪；有窗網

符合資格者，義工會喺 1 - 2 星期內聯絡你

落選者則不會作個別通知

溫馨提示：領養貓咪前，停一停，諗一諗，貓咪係生命，唔係玩具，貓咪都有情緒，去到新環境都需要時間適應！看待貓咪如同看待小朋友，係一世嘅責任！

授權轉載：浪貓薈