屋主外遊尋短期租客 :「希望愛貓人士短租，幫忙照顧 4 隻貓」

日前，愛貓群組有一名居住日出康城嘅屋主出 PO：「因為 23 年 3 月尾去旅行一個月，就試下放短租。只有一個要求：希望是愛貓人士短租，幫忙照顧 4 隻貓貓。」

屋主希望短期租客喺佢外遊期間畀錢租佢間屋嘅同時，能夠照顧埋佢屋企嘅 4 隻貓。唔少網民睇到個 PO 之後，反應非常大，認為屋主要人哋畀錢去幫佢照顧佢自己嘅貓，思想非常離地，紛紛留言圍插屋主：「咁都比佢諗到，平時生活應該係縮數王」、「貓酒店都慳返，仲有租收，算死草」、「租萬六咁貴。仲要做埋 4 隻貓嘅工人，有冇咁妙想天開呀」、「16k 佢出糧比我剷屎就差唔多」、「幫你餵貓鏟屎，仲要俾租你，傻㗎」。