狗狗額頭長尾巴 網民：「世界上最可愛的獨角獸！」

呢隻名叫 Narwhal 嘅小狗，被美國密蘇里州嘅動物救援機構 Mac's Mission 喺街頭發現時，救援人員就注意到佢額頭上多出一條尾。

救援人員喺社交平台分享咗 Narwhal 嘅照片之後，機構隨即收到海量稱讚 Narwhal 嘅訊息 - "cutest thing ever"、"lovely unicorn dog"、"the most beautiful dog on earth"，網民似乎見到 Narwhal 嘅照片之後，都立即愛上佢。

亦有唔少網民好奇咁問：「小狗額頭條尾會搖擺嗎？」經獸醫為其檢查之後，證實 Narwhal 條尾一直處於閒置狀態，係唔能夠郁動，亦無實際用途嘅。由於尾巴唔影響 Narwhal 日常生活，所以無必要將佢移除。

唔少人好想知 Narwhal 搵到屋企未。大家唔駛擔心，嗰位拯救佢嘅救援人員已經領養咗佢喇！依家佢已經大個仔添喇！

資料來源：WeRateDogs