日本 DAISO 「歪面貓咪」咖啡攪拌棒 竟比原版更受歡迎？

身為消費者嘅你，買到疑似有瑕疵嘅產品，通常都會有啲唔開心，如果可以，都希望廠商可以退款或者換貨啦！但係，最近日本百貨連鎖店 DAISO 推出咗一款印有貓咪頭像嘅咖啡攪拌棒，竟然因為出現疑似「瑕疵」，反而更受客人歡迎，日本網民仲爭相去 DAISO 搶購，仲一度搶購一空添！

事緣一名日本網民（Twitter ＠shikakugangu）喺 DAISO 買咗兩包貓咪咖啡攪拌棒，返到屋企發現一包攪拌棒嘅貓樣係印喺貓頭正中間嘅，而另一包攪拌棒嘅貓樣就明顯印歪咗，貓咪好似全部都向上望住天花板，感覺好似好有希望咁～

雖然呢位網友認為，「歪面貓咪」攪拌棒應該屬於印製瑕疵，不過佢並唔覺得買到呢包「瑕疵品」有咩唔好，反而仲覺得比原本正正常常嘅原版更可愛！

唔少日本網友們反而相當好奇，「歪面貓咪」攪拌棒真係「瑕疵品」，定還是廠商打從一開始就刻意咁樣設計，藉此吸引客人多買幾包呢？

資料來源：News Gamme