日本 IT 公司推出新 app 能判斷貓咪是否感覺痛楚

相信貓奴們都知道，要根據愛貓面部表情或者肢體動作嚟判斷佢哋身體是否感覺痛楚，係一件非常困難嘅事。某啲情況下，當主人們注意到嘅時候，貓咪嘅痛楚程度已經非常劇烈，甚至可能錯過咗最佳嘅治療時機。    

近日，東京一家 IT 公司 Carelogy 推出咗一款 app，據說可以檢測到貓咪因為受傷或生病而感到嘅痛楚。

據研究人員指出，獸醫對貓耳傾斜度、眼睛睜開嘅方式及鬍鬚嘅狀態等五個項目進行評分，以判斷貓咪有無疼痛嘅感覺。而 ai 通過對呢啲判斷深度學習後，能夠以超過 90% 嘅準確度判定貓咪身體有無痛楚。

呢款 app 現時已經可以喺 Carelogy 嘅網站上免費使用，用戶只需將所拍攝嘅貓咪照片上載至網頁，即可快速獲得判定結果，貓奴們不妨試吓！

資料來源：Carelogy Inc.