【健力士世界紀錄】 現時世界上舌頭最長的狗 舌長 12.7 厘米

月前，一隻來自美國路易斯安那州，名叫 Zoey 嘅 3 歲混種犬 （拉布拉多犬混德國牧羊犬），獲得健力士世界紀錄認證，成為世界上舌頭最長嘅狗。Zoey 從鼻尖到舌尖總長度為 12.7 厘米。

喺 Zoey 獲得呢個世界紀錄前，世界上舌頭最長嘅狗係一隻來自美國亞利桑那州嘅英國長毛獵犬 Bisbee，當時佢嘅舌頭長度為 9.49 厘米，而再喺 Bisbee 之前獲得呢項紀錄嘅狗狗係來自美國南達科他州嘅一隻聖伯納犬 Mochi，佢當時以 18.58 厘米嘅舌頭長度獲得健力士世界紀錄認證，不過佢喺 2021 年已離世。

Zoey 主人受外媒訪問時表示，Zoey 一向活潑好動，深受鄰居街坊嘅喜愛，平時散步唔少人都會停低腳步摸吓 Zoey，不過佢不時都需要友善提醒大家，Zoey 會經常流口水，的確有唔少街坊都笑言，佢哋有好多條褲都遺留咗 Zoey 一大片一大片嘅口水跡。

資料來源：Guinness World Records