懷孕狗媽從狗場被救出 幸四隻狗 B 已有暫托 狗媽現急尋家
呢隻叫 Tweety 嘅唐狗女 (1 歲) ，係喺一個環境惡劣嘅狗場被救出嚟嘅。Tweety 喺被救嘅時候，正在懷孕中，而且仲要就快生得。幸運地，Tweety 四隻 BB 健康出世，斷奶之後亦去咗暫托家庭。Tweety 媽媽唔駛擔心自己嘅 BB 冇人照顧，所以自己都要為自己打算一下，開始要踏上尋家之路。
Tweety 係一隻非常親人嘅狗狗，佢經常會主動走近人，仲不時會搵義工討摸。不過，佢面對其他狗狗嘅時候就會有少少緊張，所以佢比較適合喺無狗狗嘅家庭生活。
Tweety 已經準備好重新出發，開始尋家喇！如果想更了解或有意領養 Tweety 媽媽，嚟緊 8 月 26 日 (星期六；1 - 5pm) 可以去到上環 The Hive (上環禧利街 33、35 號) 嘅「狗狗領養日」同佢見面，同場亦會有其他得意可愛嘅狗狗出席㗎！
資料來源：HKSCDA
其他資訊
