年老唐狗女未能與貓貓共處 急尋暫托

呢隻叫「二妹」嘅 11 歲唐狗女足足喺山上過咗 11 個年頭... 呢 11 年來，冇得到過人類嘅愛，連每日最基本嘅兩餐都要喺山上同野豬、馬騮爭。可能「二妹」已經絕望到覺得咁樣日復日求存嘅日子將會去到佢生命結束嘅一日... 

突然有一日，一位好心人路過發現「二妹」受傷，傷口已潰爛到有烏蠅蟲嘅程度。當時如果見死不救嘅話，「二妹」嘅生命好快就會結束！好心人決定救走「二妹」，之後「二妹」一直喺收費暫托中心內休養。然而，等咗三個月，一個願意帶「二妹」返屋企暫托嘅人都冇...

及至近日，「二妹」終於等到有人肯暫托佢，但因為「二妹」從未試過同貓貓相處，對貓貓有敵意，暫托嘅貓貓因為怕「二妹」，所以經常匿埋喺房入面，暫托姐姐怕貓貓會因為有壓力而患病，所以「二妹」又要再次搵暫托。

如果有意暫托或領養「二妹」，請直接聯絡「唐不甩家族」(Tel: 9242 1401)；唔能夠暫托或領養，都懇請大家幫忙分享呢個 post，幫幫「二妹」！感謝！

「二妹」性格：文靜；夾狗；疑患有分離焦慮症，冇人時會抓門及吠叫。

授權轉載：唐不甩家族