毛城城領養快訊： 5 歲貓女 Keeley

今日為大家介紹 「香港群貓會」嘅待領養貓貓一隻，貓貓叫 Keeley，性格慢熱。Keeley 一直居住喺大窩坪某橋斜坡底，前前後後約懷孕生咗 4 次 BB。直至某一日，餵貓姨姨發現 Keeley 眼睛受傷，就向義工求助。因 Keeley 警覺性高，義工多次進行拯救都好難捕捉，無功而回。足足花咗約半年時間，義工先終於成功救起 Keeley。經過治療後，Keeley 其中一隻眼仔雖然睇唔到嘢，但傷口已經癒合，唔影響日常生活，已經可以開始尋家，希望不久將來可以遇到一個愛佢嘅屋企。

Keeley 想在此向大家介紹一下自己：「 我係一隻當初只敢匿喺砂盤後面唔敢見人、到而家會期待被義工摸摸嘅貓貓，我叫 Keeley。細個嘅時候，我曾經俾人捉過，所以我一直都好怕人，但係助養爸爸媽媽同愛我嘅人並無因為咁而放棄我。佢哋無條件嘅愛，成就咗而家活得比從前勇敢嘅我，甚至令我踏上夢想中嘅尋家之路。多謝你哋一直堅持守護我，希望大家記得，愛嘅力量好強大，大得足以可以改變好多貓貓一生嘅軌跡！」

如果有興趣領養 Keeley ，請到「「香港群貓會」Facebook 專頁瀏覽領養詳情，並預約到訪 貓舍與 Keeley  見見面，相信佢都很期待見到大家㗎！

名字：Keeley

年齡：5 歲

性別：女

性格：慢熱

健康狀況：良好 

杜蟲：有

杜蚤：有 

預防針 ：有

絕育：已絕育 

睇貓地點：土瓜灣