一班超可愛嘅哈姆太郎 期待大家去探佢哋班㗎！

以貓狗做主題嘅活動相信大家就去得多喇，以倉鼠為題嘅嘉年華會你又去過未呢？

今個月嘅 10 月 21 至 22 日 (星期六及日) ，香港倉鼠救援組織「珍奶倉鼠幼稚園」將會舉辦一個名為「鬼鬼鼠鼠 ’Ham’lloween 」嘅嘉年華，屆時場內會有一連串同倉鼠有關嘅精彩有趣嘅活動，包括「待領養在校鼠鼠見面會」、「倉鼠市集」、「倉鼠主題手作 workshop」、「鼠鼠 MBTI 性格小測試」、「著名倉鼠產品品牌義賣」，以及「幼稚園小賣部義賣」等，希望各位鼠友可以一齊享受屬於倉鼠嘅嘉年華！

有意領養鼠鼠嘅你，記得要去到現場嘅「待領養在校鼠鼠見面會」喇！一眾在校鼠鼠急不及待想同大家見面，希望可以藉著呢次機會搵到一個溫暖嘅家！今次每日將會有 5 隻鼠鼠出席共  2 日嘅見面會，快啲 mark 低日子嚟認識呢班可愛嘅畢業生啦！

市集現場仲設有打卡位可以比大家影下相㖭㗎！希望各位鼠友到時可以玩得開心！

鬼鬼鼠鼠 “Ham” lloween 派對

日期：10 月 21－22 日

時間：13：00－20：00

地點：土瓜灣九龍城道 68 號瑧尚 U Place 1 樓 (土瓜灣站 A 出口)

溫馨提示：為免發生危險，建議檔主及客人將鼠鼠留在安全家中，避免鼠聚及鼠鼠之間交流，擔心會出現走鼠或受傷事件。

資料來源：ig @ hamu.mirukuti