貓咪食慾不振原來胃部竟內藏 43 條橡筋

日前，一隻喺英國北約克郡嘅叫 Tiger 嘅貓咪吞咗從主人 43 條紮頭髮嘅橡筋，幸好經過緊急手術之後現已完全康復。

Tiger 係一隻 8 歲嘅玳瑁貓，據主人 Rebecca 所講：「Tiger 呢幾日精神萎靡，食慾不振。及至前晚，我發現 Tiger 便便中有兩條用嚟紮頭髮嘅黑色橡筋，先知道佢呢幾個月一直食橡筋，跟住我就立即帶佢去見獸醫。」

獸醫幫 Tiger 進行 X 光檢查，X 光片顯示，Tiger 胃入面有一個奇怪嘅腫塊，需要緊急做手術。獸醫表示，當佢發現腫塊係由橡筋所組成時，佢感到非常震驚。「我曾經遇到一隻貓食咗 10 條橡筋嘅案例，但今次當我數到 43 條時，我簡直不敢相信。橡筋全部喺 Tiger 胃入面打晒結，結成咗一團，所以導致 Tiger 唔能夠進食。不過，Tiger 非常幸運，因為如果橡筋團堵塞咗佢嘅腸道，後果將會非常嚴重，更可能會有生命危險。」