重傷浪浪被善心人救起 惟不獲其公司收留 幸兩天內尋家成功

日前，城城小編收到熱心網民報料，一隻年約 7 歲嘅狗狗，叫「聰聰」（男仔，已絕育），之前喺街被街狗打到重傷，誤入咗佢朋友嘅公司。佢朋友及後醫返好「聰聰」，但因為公司唔俾養狗，要 call 漁記去將狗狗捉走。

該網民嘗試喺狗 group 出 PO 幫「聰聰」搵尋托： 「『聰聰』好親人，好乖，會帶新嚟嘅保安哥哥去巡邏，又識自己出去搵狗朋友玩，出面有警察抄牌佢都識返去通知工友，朋友唔想睇住佢死所以求助。佢原主人已經唔要佢，我唔想『聰聰』送死，或毅然入狗場加重狗場負擔，所以想出 PO 問吓有無朋友可以暫時收留佢！」

未夠兩日，城城小編就收到該網民嘅好消息：「呢兩日都收到唔少關心『聰聰』嘅朋友 send 嚟嘅訊息，想同大家講『聰聰』噚晚去咗新主人屋企喇，觀察緊夾狗狗中，希望一切順利啦！多謝各位嘅大愛！」

資料來源：領養及失狗群組