英國墓園設「安慰犬」為來賓提供溫暖的擁抱

英國諾定咸郡嘅一家墓園 (Rushcliffe Oaks Crematorium) 墓園近日出現一隻帶上煲呔嘅西施犬，佢叫 Maisie，今年 8 歲，係一隻安慰犬。墓園負責人 Rhonda Churchill 表示：「每當有人喺墓園內，神情表現得好哀傷，Maisie 就會走向有需要嘅人身邊，為佢哋提供親切嘅擁抱，同以友善嘅微笑安撫喪失親人嘅來賓。」

Rhonda 補充，唔係每個葬禮 Maisie 都會出現，「客人嚟預約嘅時候，我哋會事先詢問佢哋親人喺葬禮當日需唔需要安慰犬服務。不過，出奇地，Maisie 非常受來賓愛戴，當地嘅葬禮承辦人、司儀同來賓都非常喜歡見到佢。葬禮嘅來賓向外媒表示：「好高興 Maisie 能夠喺我哋最需要得到安慰嘅時候，將溫暖嘅擁抱同笑容帶畀我哋。Maisie 亦能夠喺我哋最艱難嘅時刻，為我哋提供精神上嘅支援，同暫時分散我哋嘅注意力。」