疑患乳腺癌「皺頭」非常生性 新年前不忘為狗場同伴籌糧

大家仲記得呢隻叫「皺頭」嘅唐狗嗎？「皺頭」喺 2022 年 6 月 23被巴士撞至盆骨粉碎，當場動彈不得，幸獲動保組織「520 浪浪加油站」負責人 Bella 及路過嘅市民合力救起。當時 11 歲嘅「皺頭」最終被截去左後腳。手術後，傷口大，經過長時間休養及治療，傷口先至癒合，「皺頭」亦總算帶步檻過。

非常懂事嘅「皺頭」有嘢想大家幫幫手，而家就等「皺頭」講幾句說話啦！

「皺頭」：「我『皺頭』需要長期食處方糧，再加上我近排因為疑患乳腺癌，必須盡快進行相關檢查，搵出治療方案，但檢查費預料超過 HK$20,xxx，Bella 姐姐同義工姐姐正好辛苦咁幫我急籌緊醫療費用。另外，520 基地除咗我『皺頭』之外，基地其他小朋友嘅糧食，甚至 BB 嘅糧都所剩無幾，我哋都要開始儲糧喇！我『皺頭』誠心希望大家可以伸出援手，盼積少成多，幫到場內我嘅同伴 180 幾位小朋友！我『皺頭』希望叔叔哥哥姨姨姐姐幫忙，令我哋新一年有個好開始，得到溫飽！多謝！」

有意捐贈處方糧及罐頭／支援「皺頭」嘅醫療費用；或捐贈及狗 B 糧等，請立即 pm 聯絡「520 浪浪加油站」，感謝！

授權轉載：520 浪浪加油站